Зертхана қызметкерлері

Абдолла Нұршат

Зертхана меңгерушісінің міндетін атқарушы

Ph.D. докторы (биология)

 

E-mail: nurshata@gmail.com

Абдолла Нұршат 2009-2022 жылдар аралығында М.А. Айтхожин атындағы ИМББ Молекулалық иммунология және иммунобиотехнология зертханасында лаборант, кіші ғылыми қызметкер, ғылыми қызметкер, аға ғылыми қызметкер болып жұмыс істедi. 2023 жылдың қаңтар айынан бастап сол лабораторияның басшысының міндетін атқарушы болып тағайындалды.

Абдолла Нұршат «Тәжірибеде альфа-фетопротеиндік иммунитеттің цитотоксикалық конъюгаттары арқылы миелоидты супрессорлық жасушаларды жоюдың және ісіктердің өсуінің әсері» жобасының жауапты орындаушысы болды (2013-2015 жж.). Ол 40-тан астам ғылыми еңбектер жариялады және бір патент алды. H-индексi – 5-ке тең, жалпы дәйексөздер саны – 51. ORCID: 0000-0002-4769-7824. Scopus ID: 57194001982. WoS ID: R-2193-2016.

Ғылыми қызығушылық саласы: жасушалық және молекулалық иммунология.

Тілеулиева Райхан Тілеуліқызы

Биология ғылымдарының кандидаты

Жетекші ғылыми қызметкер

E-mail: tleulieva@mail.ru

Тiлеулиева Райхан Тілеуліқызы С.М. Киров атындағы ҚазМУ-дың биология факультетін бітірген. 1995 жылы «Аллергология және иммунология» мамандығы бойынша «А стафилококк энтеротоксинінің (СЭА) иммунобиологиялық қасиеттерін зерттеу және оған моноклональды антиденелерді алу» тақырыбында кандидаттық диссертациясын қорғады. Р.Тілеулиеваның ғылыми ізденістерінің негізгі бағыты гибридомалық технологияны қолдану арқылы моноклоналды антиденелерді өндіруге және диагностикалық иммундық талдаудың тест-жүйелерін әзірлеумен байланысты.

2007 жылы «Шапағат-2007» өнертапқыштық саласындағы 4-ші Республикалық жетістіктер байқауының «Гибридті өсірілген жануарлар жасушаларының штаммы MUS.MUSCULUS-SAT-D3 — стафилококк альфа токсиніне моноклональды антиденелердің продуценті» ойлап тапқаны үшін «Жыл өнертабысы» номинациясының жеңімпазы. Ол AP05131710 «Тәжірибеде ісік өсу стимуляторы ретінде созылмалы қабынуды басу үшін миелоидты супрессорлық жасушаларды (MDSC) түзетудің фармакологиялық тәсілдері» жобасының жетекшісі.

70-тен астам ғылыми еңбектер жарияланды, оның 13 импакт-факторы нөлдік емес, Web of Science және Scopus мәліметтері бойынша h-факторы (h-индекс) 2 -ге тең

Ғылыми қызығушылық саласы: жасушалық иммунология және иммунобиотехнология.

Перфильева Юлия Викторовна

Ph.D. докторы (биология)

Жетекші ғылыми қызметкер

E-mail: perfilyevayulya@gmail.com

Перфильева Юлия Викторовна 2006 жылы әл-Фараби атындағы ҚазҰУ-ді биология факультетiн бітірген. Кандидаттық диссертация «Қалыпты және өкпенің қатерлі ісігіндегі адамның табиғи өлтіруші жасушаларының салыстырмалы сипаттамасы» тақырыбына арналды. Кандидаттық диссертация 2012 жылы Сібір филиалының клиникалық иммунология ғылыми-зерттеу институтының диссертациялық кеңесінде қорғалды (Новосибирск қ.). ҚР БҒМ БҒСБ 2016 жылғы 23 желтоқсандағы шешімімен Перфилеваға Ю.В. «6D060700 – Биология» мамандығы бойынша Ph.D ғылыми дәрежесі берілді.

2009 жылы Ли Моффит атындағы онкологиялық орталық пен ғылыми-зерттеу институтында (АҚШ) онкологиядағы иммунологиялық әдістер бойынша екі айлық тағылымдамадан өтті. 2012 жылы Стамбұл университетінің Эксперименталды медицина институтының иммунология бөлімінде ағын цитометрінде жұмыс істеу бойынша тағылымдамадан өтті.

Юлия Викторовна 2004 жылдан бастап М.А. Айтхожин атындағы Молекулалық биология және биохимия институтының Молекулалық иммунология және иммунобиотехнология зертханасында – лаборант, кіші ғылыми қызметкер, ғылыми қызметкер, аға ғылыми қызметкер, ал 2017 жылдан бастап жетекші ғылыми қызметкер болып жұмыс істейді.

Ю.В. Перфильеваның жұмысы барысында 80-нен астам ғылыми еңбектер жарық көрді. Алынған нәтижелер Web of Science, Scopus және Google Search дерекқорларымен индекстелген импакт-факторы 0,448-ден 4,7-ге дейінгі рецензияланған шетелдік журналдарда, сонымен бiрге отандық журналдарда, оның ішінде ҚР БҒМ БҒСБ ұсынған журналдарда жарияланады. Ол «Медицинадағы заманауи жасушалық технологиялар» ұжымдық монографиясының және «Horizons in cancer research» монографиясының «Regulatory NK cells: A potentially negative role in cancer» тарауының бірлескен авторы, Нью-Йорк, 2018 ж. Ю.В.Перфильеваның еңбектеріне сілтемелер көрсеткіші H-индекс – 5 (Web of Science). 2 инновациялық патенті бар. Юлия Викторовна бірнеше рет халықаралық және республикалық ғылыми конференциялардың, конгресстердің және форумдардың жұмысына баяндамалармен қатысты.

Юлия Викторовна – 2017 жылғы ғылым саласындағы үздік жетістіктері үшін Тұңғыш Президент қоры сыйлығының лауреаты. 2021 жылы отандық ғылымды дамытуға қосқан үлесі үшін Қазақстан Республикасы Президентінің атынан «Халық алғысы» мемлекеттік наградасының иегері атанды.

Ғылыми қызығушылық саласы: молекулалық жасушалық иммунология және онкоиммунология.

Остапчук Екатерина Олеговна

Ph.D. докторы (биология)

Жетекші ғылыми қызметкер

E-mail: katyostapchuk@gmail.com

Остапчук Екатерина Олеговна 2011 жылы әл-Фараби атындағы ҚазҰУ-дi биотехнология факультетiн бітірген. 2015 жылы әл-Фараби атындағы ҚазҰУ диссертациялық кеңесінде «6D060700-Биология» мамандығы бойынша «Сүт безінің қатерлі ісігіндегі NK- және Т-реттеу жасушаларының функционалдық және фенотиптік ерекшеліктері» тақырыбында Ph.D диссертациясын қорғады. Остапчук Е.К. AP05131691 «Т-реттеуші жасушалардың ісік жасушаларының белсенділігіне әсер етуінің молекулалық механизмдері» жобасының жетекшісі болды.

2013 жылы Ыстамбұл университетінің Эксперименттік Медицина институтында интернатурадан өтіп, жаңа иммунологиялық әдістерді меңгерді. 2017 жылы флуоресцентті активтендірілген жасушаларды сұрыптау әдісін (FACS), Flow-FISH және quantative Real-Time ПТР әдістерін меңгерді, сонымен бiрге, ол Чарльз университетінің 1-ші медицина факультетінің Патологиялық физиология институтының гемопоэз және дің жасушаларын зерттеу зертханасында (Прага қ., Чехия) дің жасушаларын зерттеумен айналысты.

Остапчук Е.О. 2011 жылдан бастап М.А. Айтхожин атындағы Молекулалық биология және биохимия институтының Молекулалық иммунология және иммунобиотехнология зертханасында – лаборант, кіші ғылыми қызметкер, ғылыми қызметкер, аға ғылыми қызметкер, ал 2017 жылдан бастап жетекші ғылыми қызметкер болып жұмыс істейді.

Остапчукты соңғы 5 жылда жүргізген зерттеулері онкологиялық аурулар кезінде иммунитетті тежеудегі және ісік жасушаларының канцерогендік белсенділігін ынталандырудағы иммундық реттеуші жасушалардың рөлін зерттеуге, сондай-ақ онкологиялық иммунотерапияның жаңа тәсілдерін әзірлеуге бағытталған. Алынған нәтижелер ғылыми қоғамдастықпен мойындалып, Web of Science, Scopus, Google Search дерекқорлары арқылы индекстелген импакт-факторы 0,448-ден 7,3-ке дейінгі рейтингтік референтті шетелдік журналдардың бірқатарында жарияланды.

2017 жылы Екатерина Остапчук «Қазақстанның Тұңғыш Президентінің Қорынан» конкурстың жеңімпазы атанды. 2018 жылы Қазақстан Республикасы Білім және ғылым министрлігі Ғылым комитетінің дарынды жас ғалымдарға арналған мемлекеттік ғылыми стипендиясының иегері атанды. 2021 жылы отандық ғылымды дамытуға қосқан үлесі үшін ҚР Президентінің атынан «Халық алғысы» мемлекеттік медалімен және ҚР Білім және ғылым министрі А. Аймағамбетовтың Құрмет грамотасымен марапатталды.

60-тан астам ғылыми еңбектер, оның ішінде бір монография және Қазақстан Республикасының екі патенті жарияланған. Web of Science және Scopus бойынша H-индекс 7-ге тең.

Ғылыми қызығушылық саласы: молекулалық және жасушалық онкоиммунология

Қали Айқын

Ғылым магистрі (өмір туралы ғылым)

Аға ғылыми қызметкер

E-mail: kaliaikyn@gmail.com

Қали Айқын әл-Фараби атындағы ҚазҰУ-дың биология факультетін бітірген. 2010 жылы ол Тайваньдағы Ұлттық Цинхуа университетінде өмір туралы ғылымдар мамандығы бойынша магистратураны аяқтады, онда адам ісік үлгілерін пайдалана отырып, әртүрлі қатерлі ісіктердегі маңызды трансдукциялық сигналдық жол молекулаларының бірі болып табылатын PDPK FA/GSK-3α рөлін зерттеді. 2017-2018 жылдар аралығында Лоуренс Беркли ұлттық зертханасында (АҚШ) 3D жасушаларды өсіру әдістерін үйренді.

Молекулалық иммунология және иммунобиотехнология зертханасында 2013 жылдан бері жұмыс істейді, үлгі ретінде MiaPaCa-2 пайдалана отырып, қатерлі ісік жасушаларын (CSC) зерттейді, CSC пулын кеңейтудегі TGF-β және TNF-α рөлін анықтады.

Қали Айқын келесi екі жобаның: «Қатерлі ісік жасушаларының (CSC) NK жасушаларының цитотоксикалық әсеріне теріс әсерінің молекулалық механизмдері» (2015-2017жж.) және «Физиологиялық және патологиялық жағдайларда сүйек кемігінің жасушаларынан түзілген миелоидты супрессорлық жасушалардағы NF-kB сигналдық белсенділігі» (2021ж.) жауапты орындаушысы болды

Оның 5 ғылыми еңбектері жарық көрді, h-индексi – 3-ке тең, жарияланымдар саны – 36. ORCID: 0000-0002-5129-1165. Scopus ID: 57195580717. WoS ID: AAF-9781-2020.

Ғылыми қызығушылық саласы: жасушалық және молекулалық иммунология

Кан София Александровна

Ғылым магистрі (биотехнология)

Кіші ғылыми қызметкер 

E-mail: kan_sofiya@mail.ru

София Кан әл-Фараби атындағы ҚазҰУ биология факультетінің түлегі. 2022 жылы биотехнология мамандығы бойынша магистратураны үздік бітірді, «SARS-CoV-2 коронавирус антигендерінің адамның Т-реттеу жасушаларының белсенділігіне әсерін зерттеу» тақырыбындағы кандидаттық диссертациясын сәтті қорғады.

2022 жылдың сәуір айында Ұлттық биотехнология орталығының (Астана қ.) дің жасушалары зертханасында тағылымдамадан өтіп, кейбір жаңа иммунологиялық әдістерді меңгерді. Қазақстан-Ресей медициналық университетінің «Теориялық және клиникалық медицинаның өзекті мәселелері» журналында «КОВИД-19 ауыр түріндегі кейбір Т-жасушалық субпопуляциялардың белсенділігінің бұзылуы» тақырыбында 1 мақала жарияланды.
Show More
Close
Skip to content