Қазақстан халқының бірлігі күні!

Құрметті әріптестер, достар!

М.А.Айтхожин атындағы Молекулалық биология және биохимия институтының бүкіл ұжымы атынан баршаңызды тамаша мереке – Қазақстан халқының бірлігі күнімен құттықтаймын!

1995 жылы 18 қазанда ҚР Президенті Жарлыққа қол қойып, оған сәйкес 1 мамыр Қазақстан халқының бірлігі күні болып жарияланды. Бұл мереке елімізде 1996 жылдан бері тойланып келеді.

1 мамыр ортақ Отанымыздың дамуы мен гүлденуінің басты факторларының бірі ретінде ұлтаралық және конфессияаралық келісімді сақтаудың маңыздылығын еске салады. Бұл мерекенің негізі – 120-дан астам ұлт өкілдері тұратын көпұлтты еліміздің барлық этностарының мәдениеті мен салт-дәстүріне құрмет. Бұл ұлттардың әрқайсысы бірегей, бірақ біз бірге үлкен бір отбасымыз.

Мемлекет басшысы Қ.Қ. Тоқаев 2023 жылғы 27 сәуірде Қазақстан халқы Ассамблеясының «Әділетті Қазақстан: бірлік, тұрақтылық, даму» ХХХІІ сессиясында сөйлеген сөзінде елде бірлік пен тұрақтылық болмаса, саяси және экономикалық реформаларды жүзеге асыру мүмкін емес екенін атап өтті. Бірлік – мақсатқа апарар жол ғана емес, мемлекеттігіміздің басты тіректерінің бірі, тек осы құндылықтарды ескере отырып, жарқын болашағымызды құра аламыз.

Ынтымақ пен бірлікті нығайту үшін ел Президенті Қ.Қ. Тоқаев елдегі бірлік пен келісімді бұзуға бағытталған арандатушылықтардың жолын кесу мәселелеріне ерекше назар аударды; этноәлеуметтік шиеленістің себептерін жою; елдегі көпмәдениетті ортаны дамыту және барлық азаматтардың мемлекеттік тілді меңгеруі; Ассамблеяның саяси партиялармен және мемлекеттік органдармен өзара іс-қимылын күшейту, сондай-ақ елімізде дәйекті және ғылыми негізделген этникалық саясатты жүзеге асыру.

Қасым-Жомарт Кемелұлы Тоқаев атап өткендей, мемлекетіміздің ұлттық саясаты – ұлты мен дініне қарамастан еліміздің барлық азаматтарына тең құқық беретін көпұлттылыққа бағыт. «Әртүрліліктегі бірлік» деген іргелі қағиданың арқасында біз барлық қиындықтарды міндетті түрде еңсеріп, алға қойған мақсаттарымызға жетеміз.

Баршаға шын жүректен бейбітшілік пен келісім тілейміз. Сізге зор денсаулық, сәттілік және Отанымыз – Қазақстан Республикасының игілігі үшін табыс тілеймін!

 

Iзгi ниетпен, ИМББ бас директоры, профессор Шарипов Қ.О.