2025 жылдың 19 мамырында М.Ә. Айтхожин атындағы Молекулалық биология және биохимия институтында «Lamsystems» компаниялар тобы мен «Elementum» компаниясының семинары өткізілді.

Семинарда Lamsystems компаниялар тобы шығаратын өнімдер, атап айтқанда, I, II, III класты микробиологиялық қауіпсіздік жәшіктері, ПТР диагностикасына арналған қораптар, сорғыштар, тапсырыс бойынша жасалған өнімдер – таза аймақтар мен бөлмелер туралы презентация ұсынылды. Сондай-ақ Lamsystems компаниясының медицина мен өнеркәсіптегі таза бөлмелерге арналған технологиялық киімдері, жеке қорғаныс құралдары мен керек-жарақтары, сондай-ақ технологиялық процестерді басқаруға арналған өнеркәсіптік автоматтандыру және автоматтандыру жүйелері туралы ақпарат берілді.

«Elementum» компаниясының жоба менеджері Адина Машанова Германия (Memmert, GFL, IKA, Julabo, Huber, Nabertherm, Bochem, BRAND, Duran және т.б.), АҚШ, Австрия, Ресей, Беларусь және басқа елдердің жетекші әлемдік өндірушілерінен зертханалық және аналитикалық жабдықтарды, шығын материалдары мен реагенттерді әртүрлі салаларға, аналитикалық зертханаларға, ғылыми-зерттеу институттарына жеткізуші болып табылатын «Elementum» компаниясы туралы ақпарат берді.