Қазақстан Республикасының – Астана күні құттықтаймыз!

Құрметті әріптестер, қадірлі достар!

Сіздерді Қазақстан Республикасының астанасы – Астана күнімен шын жүректен құттықтаймыз! Бұл мереке еліміздің тәуелсіздігін, дамуын және бірлігін бейнелейтін маңызды күн.

Астана – бұл ел жүрегі ғана емес, сонымен қатар қазақ халқының рухани күшінің, инновацияға, тұрақты дамуға және гүлденуге ұмтылысын көрсететін символ. Қысқа уақыт ішінде Астана саяси, экономикалық және мәдени өмірдің орталығына айналып, тәуелсіз Қазақстанның айшықты бейнесіне айналды.

Ғылыми қауымдастық үшін Астана – озық идеялар мен тың жобалар, заманауи зерттеулер мен ерекше бастамалардың ордасы. Біз ғылым, білім және технологиялық бастамалар арқылы елордамыздың және тұтас еліміздің дамуына үлес қосып отырғанымызды мақтан тұтамыз.

Астана гүлдене берсін, жаңа жетістіктерге шабыт берсін! Баршаңызға – елорда тұрғындарына және күллі қазақстандықтарға бейбіт өмір, тұрақтылық, амандық және ертеңгі күнге сенімділік, сондай-ақ жаңа ашылымдар мен кәсіби табыстар тілейміз! Ортақ еңбегіміз Қазақстанның өркендеуіне қызмет ете берсін!

Мереке құтты болсын!