Республика күні құтты болсын

Құрметті қазақстандықтар, достар!

 

2022 жылғы 29 қыркүйекте Қазақстан Президенті Қасым-Жомарт Тоқаев «Қазақстан Республикасының кейбір заңнамалық актілеріне кинематография, мәдениет және мерекелер мәселелері бойынша өзгерістер мен толықтырулар енгізу туралы» заңға қол қойды, оған сәйкес Республика күніне ұлттық мейрам мәртебесін қайтарды. Биыл да біз еліміздің басты мерекелерінің бірі – Республика күнін тойлап жатырмыз.

1990 жылы 25 қазанда Қазақстанның мемлекеттік егемендігі туралы Декларация қабылданды. Бір жылдан кейін, 1991 жылы 16 желтоқсанда Н.Назарбаев «Қазақстан Республикасының мемлекеттік тәуелсіздігі туралы» Конституциялық заңға қол қойғаннан кейін еліміз тәуелсіз мемлекет атанды.

Сол күндері болған оқиғалар Қазақстанның тәуелсіз мемлекет болып қалыптасуында шешуші рөл атқарды және тарихи маңызы ерекше. Бүгінгі таңда Республика күні еліміздегі ең атаулы мерекелердің бірі деп нық сеніммен айта аламыз.

Сіздерді осы атаулы күнмен шын жүректен құттықтап, өркендеу, батыл идеялардың жүзеге асуын, зор денсаулық және көтеріңкі көңіл-күй тілейміз!

 

Жаңа Әділ Қазақстанды бірге құрайық!

 

Құрметпен,

М.А. Айтхожин атындағы Молекулалық биология және биохимия институтының ұжымы