Қазақстан Республикасы Ғылым қызметкерлерінің күні

Құрметті әріптестер мен достар!

Баршаңызды Қазақстан ғылым қызметкерлері күнімен шын жүректен құттықтаймын! Бұл мереке ғылыми зерттеулердің маңыздылығын және оның қоғам өміріне тигізетін әсерін еске салады. Біз дәрі-дәрмектер мен технологиялардан бастап, таза энергия көздері мен жаңа өндіріс әдістеріне дейін ғылыми зерттеулердің өнімдерін күнделікті пайдаланамыз. Ғылым – әлемді өзгертетін және оны одан әрі жетілдіретін прогресс пен жаңалықтардың катализаторы.

Бүгінгі таңда Қазақстанда ғылым мен техниканың дамуына ерекше көңіл бөлінуде. Еліміздегі үлкен әлеуетті көріп отырған ел басшылығы ғалымдардың жұмыстарына қолдау көрсетуге дайын. Мемлекеттік бағдарламалар ғалымдар мен зерттеушілердің білімі мен біліктілігін арттыруға, сондай-ақ өз саласында әлемдік көшбасшылармен тәжірибе алмасуға мүмкіндік береді. Бұл қуатты, инновациялық және бәсекеге қабілетті экономика құру жолындағы маңызды қадам.

Осы мереке күнi, бар ғұмырын ғылымға арнаған зерттеушілерге, оқу орындарына алғысымды білдіремін. Еңбектеріңіз лайықты бағаланып, табысқа кенелсін, жұмысыңыз жемісті болсын.

Iзгi ниетпен, ИМББ бас директоры, профессор Камалидин Орынбайұлы Шәріпов.

Skip to content